Niusab na ang baruganan ni Presidente Ferdinand Marcos Jr. kalabot sa planong pagpasaka og impeachment complaint batok kang Vice President Sara Duterte.
Matud ni Palace Press Officer ug PCO Undersecretary Claire Castro, giingon sa Presidente nga kon mapasaka man ang reklamo sa impeachment, kinahanglan kining trataron sama sa gihimong imbestigasyon sa mga maanomalyang flood control projects walay gidapigan ug moagi sa saktong proseso.
Bisan og wala direktang giingon kon suportahan ba o babagan sa Prsidente ang impeachment, gipasabot ni Castro nga respetuhon niini ang proseso ug manubag ang bisan kinsa nga mapamatud-ang adunay sala.
Kahinumduman nga sa mga nangaging tuig, gitawag ni Presidente Marcos nga usik lang sa oras ang impeachment batok sa bise presidente.
Matud ni Castro, posibleng kaniadto wala pa makita sa Presidente ang kinatibuk-ang gidak-on sa mga isyu nga gibato batok kang VP Duterte.
Gihatagan og gibug-aton sa Malacañang nga kinahanglang ipatigbabaw due process ug pasagdan nga mulakaw ang imbestigasyon base sa mga ebidensya