Mipagawas na ang Impasugong Municipal Police Station og CCTV photo diin nagpakita sa giingong suspect sa natigayong pagpamusil sa lungsod sa Impasug-ong.
Bisan pa man niana, blangko pa ang kapulisan sa motibo sa pagpamusil sa wala mailhing mga suspetsado sa usa ka kawani sa lokal nga kagamhanan sa Impasug-ong samtang kini paingon sa trabaho, hinungdan nga naangol.
Sa pakighinabi sa Bombo Radyo Malaybalay, Gipamatudan ni PMaj. Dino Cuevas, hepe sa Impasug-ong Municipal Police Station, nga nahitabo ang insidente pasado alas 6:40 sa buntag, Hulyo 26, ning tuig, sa Purok-5A, Barangay Poblacion.
Ang biktima, gitago sa pangalang sa alyas “Jonas”, 49 anyos, minyo, ug residente sa GK Village, Barangay Poblacion, napusilan sa tangkogo sa duha ka suspek nga sakay og motorsiklo ug daling misibat pagkahuman sa panghitabo.
Nakuha sa crime scene ang basiyo sa bala nga gituohang gikan sa 45 caliber nga armas.
Kasamtangang nanawagan sa publiko ang mga otoridad aron sa dinaliang pag-ila ug masikop na ang mga responsable sa pagpamusil.