Mikaylap ang makakurat nga isyu karon sa social media kalabot sa gitas-on sa ilong.
Sumala sa nagsayrang pahayag, ang ilong nga ubos sa 2 inches ang sukod giingong mahimo kining ma-classify isip Person With Disability o PWD.
Gipadayag usab sa pipila ka nasud, nga diin ang 2 inches ang giila nga pinakagamay nga sukod, samtang 4 inches matud pa ang giisip nga pinakataas nga normal nga gitas-on sa ilong.
Bisan pa niini, wala pay opisyal nga pahayag gikan sa mga ahensya sa panglawas o sa gobyerno nga nagkumpirma nga ang mubo nga ilong awtomatikong mailang isip usa ka kahimtang sa disability.
Sa pagkakaron, mas maayong maghulat sa klaro ug opisyal nga giya gikan sa mga eksperto aron malikayan ang sayop nga interpretasyon ug dili dayon paghatag og label sa uban.
Samtang wala pa’y pormal nga kumpirmasyon, padayon ang diskusyon sa social media, diin daghang netizens ang nagbinayloay og opinyon ug nagtag sa ilang mga kaila nga giingong wala kaabot sa 2 inches ang gitas-on sa ilong.