Gisaka na sa House of Representatives ang ika-upat nga impeachment complaint batok ni Bise Presidente Sara Duterte kaniadtong Miyerkules, Pebrero 18. Ang maong reklamo gipasaka sa mga indibidwal nga nagrepresentar sa sektor sa mga magtutudlo, trabahante ug mga batan-on.
Sama sa unang tulo ka mga reklamo, ang ika-upat nga kaso nag-ugat gihapon sa pasangil nga “betrayal of public trust” ug paglapas sa Konstitusyon. Nag-unang rason niini mao ang kontrobersyal nga paggamit sa Confidential ug Intelligence Funds (CIF) sa Office of the Vice President ug sa Department of Education sa milabayng mga tuig.
Matud sa mga complainant, tumong niini nga manubag ang Bise Presidente sa giingong dili sakto nga paggasto sa pundo sa kagamhanan. Sa pagkakaron, wala pa’y pormal nga pamahayag ang kampo ni VP Sara Duterte bahin niining bag-ong reklamo, apan kaniadto pa niya gihulagway ang maong mga lakang isip “political harassment.”