Plantsado na sa Simbahan ug sa mga civil society group ang pagpahigayon sa ika-tulo nga “Trillion Peso March” didto sa EDSA Shrine.
Ipahigayun nila kini sa ika-40 nga anibersaryo sa EDSA People Power Revolution karong Pebrero 25. Matud pa sa mga organizers, nga gilangkuban sa Caritas Philippines, Buhay ang People Power Campaign Network (BAPP), ug Simbahan at Komunidad Laban sa Katiwalian, nakasentro ang kalihokan sa pagsaulog sa nangagi, ang mga lihok karon, ug ang pagplano alang sa kaugmaon.
Gibutyag usab ni Caritas Executive Director Fr. Tito Caluag nga tungod sa mga nahitabong anomaliya sa flood control, nabanhaw pag-usab ang civil responsibility sa mga lungsuranon. Nanawagan usab siya sa publiko nga makisayod ug moapil sa maong kalihokan.