Nagpabilin nga wala pa makit-i ang tulo ka missing nga indibidwal human sa pagbaha sa Valencia City.
Sa pakighinabi sa Bombo Radyo Malaybalay kang Jun Galario, Kanhi-MayorConsultant sa lokal nga kagamhanan sa syudad sa Valencia, gikumpirma niini nga lima na ka tao ang kumpirmadong patay ug nagpabilin nga wala pa makit-i ang 3 ka indibidwal nga gikaingong kini inahan ug anak, ug usa ka lalaki.
Kasamtangang padayon ang ika-lima nga adlaw sa search and recovery operation sa CDRRMO, PDRRMO ug PEO Bukidnon, ang barangay government, 911 Oro Rescue, Philippine Army, Philippine Coast Guard, Philippine Air Force, PNP, ug ang K9 unit gikan sa Opol ug sa uban pa nga mga responders.
Apan matud ni Galario, posibleng hunungon na ang maon search and recovery operation kung dili pa makita ang maong 3 ka missing individuals.
Dugang pa niini nga liboan na ka pamilya ang apektado sa maong pagbaha ug aduna pay pipila nga nagpabilin sa evacuation center.
Gisiguro usab niini nga adunay igo nga ayuda ug suporta alang sa mga apektado sa pagbaha diin usa usab sa lakang ang kasamtangang paglihok sa relocation sites.
Kahinumdoman nga mikusog ang bul-og sa tubig sa maong lugar niadtong Setyembre 17 nga miresulta sa pagbaha.