Nisaka pa ang ihap sa mga namatay samtang kapin sa 300 ka tao ang nagpabiling wala makaplagi o missing human sa dakong sunog nga miulbo sa usa ka taas nga residential building sa Hong Kong niadtong Miyerkules, Nobyembre 26.
Sumala sa lokal nga mga otoridad, 83 ka tawo na ang namatay sa dapit sa sunog samtang upat ang namatay sa ospital ug usa ka bombero ang namatay usab.
Sumala sa mga opisyal, ang sunog milamoy sa pito sa walo ka tower blocks sa distrito sa Tai Po.
Bisan pa, upat ka tower ang gideklarar nga kontrolado na, samtang ang mga paningkamot gihimo aron mapalong ang ubang mga building nga nagdilaab pa.
Kahinumduman nga ang maong sunog kaniadto gisaka sa level five, diin giisip nga “most serious level” sa Hong Kong.
Sa pagkakaron padayon ang imbestigasyon sa hinungdan sa sunog rason nga gatusan ka mga residente ang gihikling ngadto sa temporaryong mga kapasilongan samtang ang mga emergency housing unit gitukod alang sa uban nga naapektuhan sa sunog.