Nagpasidaan ang usa ka eksperto nga ang imbestigasyon sa mga alegasyon sa kurapsyon sulod sa mga flood control projects sa goberno mahimong komplikado ug lisod.
Kini tungod kay daghan ang posibleng nalambigit gikan sa mga ahensya sa nasudnon nga kaghamhanan sama sa DPWH, lokal nga mga opisyales, hangtod sa mga pribadong kontraktor.
Gikumpara kini sa usa ka galaxy sa mga gi-imbestigaran , nagpasabot nga lapad ug daghan ang sakop sa mga posibleng kaso sa katiwalian diin lauman nga molungtad ug mahimong masalimuot ang proseso sa imbestigasyon.
Matud usa ka political analyst nga si Atty. Edward Chico, kinahanglan lig-on ang mga ipresentang ebidensya ayha isang-at sa korte aron hingpit nga manubag sa balaod ang mga sad-an nga indibidwal.
Nagkinahanglan kini og husto nga dokumentasyon, testimonya, ug kooperasyon sa mga independent nga oversight bodies aron masiguro ang kalinaw ug accountability.
Bisan pa man, naghanagyo gihapon ang publiko og patas ug paspas nga imbestigasyon aron papanubagon ang bisan kinsa nga mapamatud-ang nalambigit sa pag-abuso sa pondo nga gitagana unta para sa mga proyekto nga makatabang sa katawhan.
Samtang nagpagawas usab og pamahayag si Senate president Chiz Escudero kabahin sa isyu, diin hingpit nga gipasabot niini nga wala kini kalambigitan sa Centerways Construction nga gipangalangan ni pangulong Ferdinand top 15 flood control project contractors diin gikaingong mao kini ang nagsuporta sa iyang kampanya atol sa milabayang bugnong lugaynon.