Gitawag sa aktres nga Jasmine Curtis‑Smith si Quezon City 4th District Rep. Jesus “Bong” Suntay nga “disgusting man” human sa kontrobersyal niini nga pamahayag kabahin sa igsoon niini nga si Anne Curtis.
Kahinumdoman nga kaniadtong usa ka pagdungog sa House Committee on Justice, miluwat si Suntay sa mga tinguha niini ug giimagine nga reaksyon sa pagtan-aw kang Anne Curtis, nga dali nga nakadani og kritisismo sa publiko tungod sa pagtan-aw niini nga dili angay ug pag-objectify sa babaye.
Gipadayag ni Jasmine, nga ang isyu dili lamang kabahin sa usa ka personalidad apan usa ka simbolo sa mas dako nga problema sa pagtratar sa kababayen-an sa publiko ug sa mga tao nga adunay gahum.
Gisaway niini ang komento ingon nga makapalala sa kultura sa pagtan-aw sa kababayen-an.
Giduso usab niini ang mas dako nga respeto ug accountability gikan sa mga opisyal sa publiko ug ang panginahanglan sa mas luwas nga palibot alang sa kababayen-an.
Uban sa suporta sa ubang personalidad, mipadayag usab ang daghang mga tao sa publiko nga ang komento ni Suntay dili angay ug seksista.
Samtang ang Philippine Commission on Women, mipasidaan nga ang susama nga mga pulong dili makiaangayon ug kinahanglan hatagan ug hustong pagtagad.
Taliwala sa partial apology ni Suntay, daghang kritiko ang miluwat nga kulang kini aron ipakita ang tinuod nga responsibilidad sa mga pamahayag.