Nagpadayag og pasalamat si Lella Ford ngadto sa aktres nga si Kaila Estrada tungod sa paghatag og kalipay sa igsoon nga aktor nga si Daniel Padilla, subay sa pinakaulahing pamahayag niini atol sa usa ka media interview.
Matud ni Lella, malipayon kini nga makita ang igsoon nga anaa sa maayong emosyonal nga kahimtang, ug giila usab niini si Kaila isip usa ka maayong ehemplo tungod sa kaalam, kaayo, ug maayong pamatasan niini.
Gibutyag usab ni Lella, nga aduna na kini maayong relasyon ni Kaila bisan pa sa wala pa ang nagkadaiyang ispekulasyon sa personal nga kinabuhi, ug nagpadayon ang pagkasuod.
Samtang nagpadayon ang mga hungi-hong kabahin sa posible nga relasyon nila Daniel ug Kaila, klaro ang baruganan sa pamilya nga suportahan ang kalipay sa aktor, lakip na ang posibilidad nga kini magpuyo o magmugna og pamilya sa umaabot.