Pormal na nga gitunol sa Independent Commission for Infrastructure (ICI) ngadto sa Office of the Ombudsman ang tanang mga dokumento, ebidensya, ug resulta sa ilang gihimong imbestigasyon sulod sa hapit unom ka bulan kabahin sa maanomalyang mga flood control projects.
Gisumite sa ndependent Commission for Infrastructure (ICI) ang siyam ka referral ngadto sa Ombudsman kalabot sa 65 ka mga indibidwal nga gihangyong imbestigahan aron makasuhan sa pagkalambigit sa giingong mga iregularidad nga mga infrastructure projects sa nasud.
Samtang nagtuo si DPWH Secretary Vince Dizon nga dako og natabang ang Independent Commission for Infrastructure (ICI) sa pag-imbestigar sa mga maanomalyang flood control projects.
Sumala pa niini, nakatabang ang komisyon sa paghan-ay sa mga ebidensya nga isumite ngadto sa Ombudsman.
Gilauman nga sa mosunod nga mga adlaw, masusi na sa Office of the Ombudsman ang maong mga dokumento aron mahibal-an kung kinsa ang angay’ng pasakaan og pormal nga kaso sa korte.