Nagsumite og dugang ebidensya ang prosecution panel sa International Criminal Court (ICC) batok kang kanhi Presidente Rodrigo Duterte samtang nagkaduol ang hearing sa iyang mga kaso karong bulana.
Niadtong Pebrero 10, pormal nga giduso sa prosekusyon ang ilang ikaduhang updated list of evidence subay sa mando sa Pre-Trial Chamber.
Matud pa sa ICC, dunay duha ka bag-ong “items” nga gidugang sa listahan sa mga ebidensya batok sa kanhi presidente.Nagpabiling sekreto o confidential ang mga detalye sa maong mga ebidensya tungod kay naglakip kini sa mga sensitibong impormasyon gikan sa mga saksi nga gipanalipdan sa korte.
Ang pagdugang sa ebidensya nahitabo human gitugotan sa korte ang prosekusyon ug ang kampo sa depensa nga mufile og dugang mga dokumento sa dili pa ang pormal nga hearing.Si Duterte kasamtangang anaa sa kustodiya sa ICC human kini gidakop niadtong Marso 11, 2025, pag-abot niini gikan sa Hong Kong. Base sa warrant of arrest.
Sulod sa hapit usa ka tuig nga pagkailanggo kapila na nibalibad ang Pre-Trial Chamber sa hangyo sa mga abogado ni Duterte nga hatagan kini og temporaryong kagawasan samtang nagpadayon ang proseso.
Gikatakda ang confirmation of charges hearing karong Pebrero 23 hangtod 27, 2026.