Nakatakda na ang International Criminal Court (ICC) nga sugdan ang confirmation of charges batok kang kanhi Presidente Rodrigo Duterte karong umaabot nga Pebrero 23, 24, 26 ug 27.
Ang hearing himuon sulod sa tulo ka oras matag adlaw. Sugdan kini sa pagbasa sa mga sumbong batok sa kanhi Presidente ug ang paghatag og opening statements gikan sa prosecution ug sa kampo ni Duterte.
Giklaro ni Atty. Gilbert Andres, ang abogado nga gitudlo sa ICC alang sa mga biktima nga ibutyag nila ang grabe nga pag-antos ug “inter-generational harm” nga nasinati sa mga pamilya sa drug war.Dugang pa, gumikan sa isyu sa seguridad, posibleng dili una i-atubang ang mga biktima ug mga saksi sa maong hearing.
Ubos sa Rome Statute, gihatagan usab og higayon si Duterte nga mutambong o i-waive ang iyang presensya sa maong proseso.