Gipaboran sa International Criminal Court (ICC) Pre-Trial Chamber I ang hangyo ni kanhing Pangulong Rodrigo Duterte nga dili motambong sa nakatakdang confirmation of charges hearing may kalabotan sa iyang war on drugs.
Sa dokumento nga may petsang Pebrero 20, 2026, giingon sa Chamber: “The Chamber hereby grants the request; decides that the hearing on the confirmation of charges will be held in the absence of Mr. Duterte.”
Gisugo usab sa Chamber ang kampo ni Duterte, ang ICC Prosecutors, ug ang common legal representative sa mga biktima nga ilatid kung unsang mga filings ang mahimong himuong public ug unsa ang angay magpabiling redacted.
Ang confirmation of charges hearing gikatakda sa Pebrero 23, 24, 26, ug 27, 2026 sa The Hague, Netherlands.
Kahinumduman nga mas sayo niining semanaha, nagpagawas si Duterte og pahayag nga i-waive ang iyang katungod sa pagtambong sa hearing tungod sa iyang edad, kahimtang sa panglawas, ug kay wala niya giila ang hurisdiksiyon sa ICC.