Dunay igong ebidensya ang International Criminal Court (ICC) batok sa kanhi Presidente nga si Rodrigo Duterte.
Matud pa ni Atty. Kristina Conti , nakapasa na ang ICC prosecutor og 5,051 ka dokumento nga ebidensya ug daghan pa ang naa sa repository.
Gipasabot ni Atty. Conti nga ang pag-usab sa witness appeal kabahin sa nagpadayon nga imbestigasyon tungod kay wala pa mahuman ang investigation phase.
Gidugang pa niini nga ang tuyo sa panawagan mao ang pagsiguro nga makompleto ang testimonya, labi na gikan sa mga kanhi opisyal sa PNP, PDEA, NBI, mga barangay ug uban pang ahensya sa gobyerno.
Saysay pa ni Atty. Conti nga nakabilanggo na si Duterte ug naa pa sa pre-trial stage ang kaso ug ang kampo ni Duterte maoy hinungdan sa pagka-delay sa proseso tungod sa nagkalain-laing legal nga lakang nga nakapahinay sa kaso.