Nagbilin og dakong kadaot sa Jamaica ang Category 5 Hurricane Melissa sa Jamaica.
Sumala sa Jamaica Public Service, anaa sa 77 porsyento sa ilang nasud ang walay suplay sa kuryente tungod sa epekto sa Hurricane Melissa.
Nagpadala na usab ang US State Department og response team sa Jamaica ug lakip na usab sa mga Caribbean countries nga naigo sa Hurricane Melissa.
Gawas sa Jamaica, ang Category 5 Hurricane miigo usab sa Cuba sa dihang mi-landfall kini sa maong lugar.
Muabot sa labing menos 25 ka mga tao ang namatay sa Petit-Goâve, Haiti human nga mikusog ang bul-og sa tubig sa usa ka suba sa maong dapit hinungdan sa kaylap nga pagbaha.
Samtang anaa sa Category 2 ang hurricane diin kini naglihok sa Bahamas nga adunay hangin nga 100 milya matag oras.