Wala pa’y nakita nga hulga ang Malacañang sa usa ka “energy lockdown” sa suplay sa kuryente ug lana sa nasud taliwala sa nagkagrabe nga tensyon sa Middle East.
Sa usa ka press briefing sa Malacanang, gibutyag ni Palace Press Officer Undersecretary Claire Castro, sa pagkakaron nangandam na ang Presidente ug layo pa ang nasud sa sitwasyon susama niadtong dekada ’70 diin adunay nahitabo nga fuel rationing ug carless days.
Gipasalig usab sa Malacanang nga walay gipasagdan nga isyu ang administrasyong Marcos taliwala sa sunod-sunod nga mga hagit nga giatubang sa nasud, lakip na ang krisis sa enerhiya ug ekonomiya.
Gihatagan og gibug-aton ni Castro nga bisan pa og prayoridad karon ang pagtabang sa publiko batok sa epekto sa kagubot sa Middle East, ang tanang mga isyu gihatagan og atensyon sa Presidente.
Dugang pa niini nga gisiguro sa Presidente nga maaksyonan ang mga hagit nga giatubang sa nasud pibaagi sa presensya niini ug ang garanteya nga ang pondo sa