Gipatuman ang hugot nga seguridad sa Malaybalay City Memorial Park atol sa pagsaulog sa Adlaw sa Kalag ug Santos aron masiguro ang kalinaw ug kahapsay sa tanang mobisita. Sa pakighinabi sa Bombo Radyo Malaybalay, gipahibalo ni Rufino Cuizon in-charge sa City Memorial Park nga hingpit nga ginadili ang pagdala sa mga hinagiban, mga hait nga butang, ug ilimnong makahubog.
Matod pa niini, gisusi na sa mga personahe sa seguridad ang mga mobisita pa lamang sa entrada aron malikayan ang bisan unsang kagubot o katalagman.Gipasabot usab sa opisyal nga adunay kooperasyon ang kapulisan nga nagbantay sa nagkadaiyang bahin sa sementeryo aron mapadayon ang kaluwasan sa publiko.
Gilauman niini nga daghang katawhan ang mobisita sa mga hinigugma sa kinabuhi niining panahona, ug gipaabot ang ilang pagbalik sa susamang higayon sa umaabot.