Nadakpan sa kapulisan ang usa ka 65-anyos nga lalaki human giingong nanunggab sa iyang 75-anyos nga silingan atol sa insidente sa Barangay Mindagat niadtong hapon sa Marso 8, 2026.
Sumala sa rotoridad, nahitabo ang insidente alas-3:00 sa hapon human madawat sa Malitbog Municipal Police Station ang tawag gikan sa usa ka concerned citizen pinaagi sa station hotline.
Sa inisyal nga imbestigasyon, giingong hubog ang suspek sa dihang kalit nga miadto sa balay sa biktima ug gihagit kini og away bisan walay klarong hinungdan. Gisulayan sa biktima nga malikayan ang komprontasyon apan gisundan siya sa suspek sa dalan.
Diha sa ilang komosyon, mibalik sa iyang balay ang suspek ug mikuha og kutsilyo sa kusina ug gidunggab ang biktima sa makadaghang higayon nga miigo sa dughan ug wala nga siko niini. Dayon gidala ang biktima sa balay tambalanan na kasamtangang nagpaalim.
Gidugang sa kapulisan nga gilayon usab nadakpan ang suspek ug gidala sa Malitbog Municipal Police Station alang sa hustong disposasyon.