Gihagit sa mga miyembro sa House Committee on Justice ang ilang kauban, lakip si Rep. Paolo Henry Marcoleta, nga repasuhon ang mga patakaran sa impeachment sa dili pa sila maghatag og komentaryo sa mga pagdungog.
Sumala kang Rep.Terry Ridon, importante kaayo nga ang tanang opinyon ibase sa tukmang rules aron malikayan ang kalibog sa publiko ug masiguro nga hapsay ang proseso.
Sa laing bahin, sigon ni House Committee on Good Government Chairman ug Manila Rep. Joel Chua nga bisan ang mga miyembro o dili miyembro sa komite kinahanglan mobasa sa mga patakaran aron mas klaro ang diskusyon ug malikayan ang sayop nga mga pangutana.
Gipunting usab ni Rep. Gerville Luistro nga ang tanang lihok sa komite uyon sa lagda, ug mahimo usab hatagan og kopya sa rules si Marcoleta aron mas masabtan niya ang proseso.
Naghatag Marcoleta og procedural question kabahin sa han-ay sa pagboto sa sufficiency in grounds ug sufficiency in form and substance, apan gipadayon sa komite nga ang ilang mga lakang naa gihapon sa hustong pamaagi.
Gipasabot sa komite nga ang ingon ani nga diskusyon ug klaripikasyon normal lamang sa matag pagdungog ug kabahin sa paningkamot nga masiguro nga tanan mosunod sa tukmang proseso samtang nagpadayon ang trabaho sa komite.