Gibutyag ni Vice President Sara Duterte nga kinahanglan maghulat ang House of Representatives of the Philippines kung motubag ba kini kon dili sa impeachment charges nga gisang-at batok kaniya.
Karong adlawa Marso 16 mao ang katapusang adlaw sa 10-ka adlaw nga lugway aron makasumite og tubag ang bise presidente.
Matud ni Bicol Saro Partylist Rep.Terry Ridon, nga maghulat ang Kamarabaha sa tubag Duterte hangtod sa katapusan sa oras sa opisina sa karong adlaw’ng Lunes.
Sanglit motubag ang bise presidente, hatagan usab og kahigayunan ang mga nagreklamo ug nag-endorso sa reklamo nga magsumite sa ilang tubag, samtang makasumite usab og rejoinder si Duterte.
Apan kon mapakyas kini nga motubag sa takdang panahon, giingon ni Ridon nga mahimong mub-an ang proseso sa imbestigasyon.
Posible nga sa katapusan nga mga semana sa maong bulan masugdan na ang pagdesisyon kung igo ba ang mga basehan sa reklamo ug mahimo nang magpadayon sa pormal nga pagdungog.
Plano sa House Committee on Justice nga sugdan ang mga pagdungog sa Abril 8.
Sa pikas bahin, gikumpirma usab ni Vice President Sara Duterte nga naa na kini gihandum nga mahimong ka-tandem sa umaabot nga national election sa 2028.
Gipadayag ni Vice President Sara , nga nakapili na siya, apan nagdumili pa siyang ipadayag ang ngalan sa maong personahe.