Gisiguro ni House Deputy Speaker ug La Union Rep. Paolo Ortega nga magpadayon ang pagdungog sa House Committee on Justice kalabot sa impeachment batok kang Vice President Sara Duterte, bisan pa sa mga petisyon nga gisumite sa Korte Suprema.
Sumala ni Ortega, dili awtomatikong mapahunong ang proseso tungod sa mga petisyon gawas kung adunay direktang mando ang Supreme Court sama sa temporary restraining order (TRO).
Gipasiugda usab ni Ortega nga ang komite nagsunod sa Konstitusyon, House rules, ug sa mga ebidensya nga ilang gikonsidera.
Matud pa ni Ortega, wala sila maapektohi sa mga petisyon ug magpadayon ang proseso hangtod walay opisyal nga mando nga mopahunong kini.
Dugang pa, nga ipadayon ang mga pagdungog sumala sa iskedyul isip kabahin sa mandato sa Kamara ug aron hatagan og kahigayonan ang Bise Presidente nga mapresenta ang iyang depensa.
Gipasiugda usab ni Ortega nga ang proseso naghatag og pagtagad sa due process ug patas nga pagdungog alang sa tanang panig.
Matud pa niini, nga ginatuman lamang sa Kamarabaha ang ilang katungdanan ug kini na ang hustong higayon alang sa Bise Presidente aron ipakita ug mapamatud-an ang iyang kabahin.