Gipanghimakak ni House Justice Committee Chairperson at Batangas 2nd District Representative Gerville Jinky Luistro, ang alegasyon nga adunay mga mambabalaod nga giingong gitanyagan og pondo o suhol baylo sa ilang boto sa impeachment batok kang Vice President Sara Duterte.
Sumala ni Luistro, wala kini nadawat nga bisan unsang pabor gikan sa liderato sa Kamarabaha aron impluwensyahan ang paagi sa pagboto sa komite.
Ang isyu sa giingong pagpanuhol unang gipahibalo ni Navotas Rep. Toby Tiangco, apan dayon kining gipanghimakak sa ubang miyembro sa komite lakip si Manila Rep. Joel Chua.
Gipunting ni Luistro nga bisan pa og politikal ang proseso sa impeachment, kini kinahanglan magpabiling nakabase sa ebidensya ug responsibilidad sa publiko.
Sa pagkakaron, nagpadayon ang deliberasyon sa Kamarabaha kalabot sa mga reklamong impeachment batok kang Vice President Sara Duterte, nga nagpunting sa giingong sayop nga paggamit sa confidential funds sa panahon nga siya pa ang kalihim sa Department of Education.
Ang maong isyu nagdala og dakong interes sa publiko tungod sa sensitibo nga kahimtang sa politika sa nasud.
Bisan pa sa mga alegasyon, gisiguro ni Luistro nga magpabiling patas ug transparent ang proseso sa komite.