Usa ka talagsaong hotel sa Japan ang naghatag og lahi nga kasinatian sa mga bisita katulog ra gyud, walay lain.Ang maong hotel walay telebisyon, walay Wi-Fi, walay internet ug walay distraksiyon.
Ang tuyo niini mao ang pagtabang sa mga bisita nga makapahuway og tinuod, ilabi na sa mga tawo nga grabeng kapoy tungod sa trabaho ug sigeg gamit og cellphone ug computer.
Sumala sa tagdumala sa hotel, daghan kaayong Hapon karon ang kulang sa tulog tungod sa stress ug sobra nga paggamit sa teknolohiya.
Mao nga gihimo nila ang hotel isip usa ka sleep sanctuary. usa ka lugar nga ang pahulay ug tulog mao ra gyud ang prioridad.Ang mga kwarto simple ra limpyo nga higdaanan, humok nga unlan ug linaw nga palibot.
Dunay mga kahayag nga hinay ra ug mga pahumot nga makatabang sa pagrelaks sa lawas ug hunahuna. Ang uban pa gani nga hotel, naghatag og tambag kung unsaon pagkatulog og sayo ug tarong.Daghang bisita ang miingon nga sa unang higayon, nakatulog sila og lawom ug walay samok.
Matud pa sa usa ka bisita, Dili diay lisod matulog kung walay cellphone.Tungod sa kalampusan niini, daghan na usab ang nagpakita og interes nga sundon ang maong ideya sa ubang nasud.
Sa kalibutan nga puno sa kasaba ug teknolohiya, nagpahinumdom ang maong hotel nga usahay, ang pinakabag-ong luho mao ang maayong tulog.