Nagpahigayon na og hot pursuit operation ang kapulisan batok sa suspek og gitumbok nga person of interest sa pagpatay kang Bhea, usa ka 22-anyos nga working student ug 4th year college sa usa ka unibersidad sa Cagayan de Oro City.
Gitumbok sa kapulisan ang duha ka person of interest, lakip ang ka-boardmate sa biktima nga matud pa nagtrabaho sa Local Government Unit sa CDO nga naka-base sa CDRRMD. Samtang ang laing person of interest padayon pang gisuta ang background aron mapalalom ang imbestigasyon sa maong insidente.
Kahinumdoman nga nakitang patay ang biktima sulod sa girentahang lawak sa suspek sa usa ka boarding house sa Burgos-Gomez Street, Barangay 7, Cagayan de Oro.
Base sa report katapusang, nakit-an ang biktima niadtong pang Valentines Day Feb.14, ug napalgan ang patayng lawas niini ning milabayng adlaw.