Hollywood actress Catherine O’Hara, mitaliwan na sa edad nga 71

Mitaliwan na ang sikat nga Hollywood actress nga si Catherine O’Hara sa edad nga 71. Wala na gidetalye pa sa kampo sa aktres ang rason o hinungdan sa iyang kamatayon.

Nailhan ang aktres sa iyang halandumon nga pagdala sa karakter isip inahan ni Macaulay Culkin sa sikat nga salidang “Home Alone.”

Gawas niini, mipakita usab siya sa iyang talento sa TV series nga “Schitt’s Creek.” Ang iyang katapusang proyekto mao ang Hollywood satire show nga “The Studio.”

Giila si O’Hara nga usa sa labing maayo nga comedienne ug aktres sa iyang henerasyon, ug nakadawat na og daghang pasidungog lakip na ang Emmy Awards sa iyang tibuok career.