Hollywood actor Corey Parker mitaliwan na sa edad nga 60

Mitaliwan na ang Hollywood actor nga si Corey Parker sa edad nga 60.

Gikumpirma ni Emily Parker ang pagkamatay sa aktor  sa panimalay niini sa Memphis, Tennessee, human sa  pakigbisog batok sa sakit nga cancer.

Nisulod si Parker sa kalibutan sa acting sa tunga-tunga sa dekada 1980, diin usa sa  unang mga pelikula niini ang “Friday The 13th Part V: A New Beginning.”

Gisundan kini sa romantic drama nga “9 1/2 Weeks” kauban si Kim Basinger.

Niadtong 1992, nahimo usab kini nga  kabahin sa sitcom nga “Flying Blind” uban ni Tea Leoni ug uban pa.

Diin ang labing nagpabilin sa mga fans niini mao ang  pagdala sa papel sa sikat nga serye nga “Will & Grace,”  nga nahimo kining karelasyon ni Grace sulod sa lima ka mga episode sa maong sitcom.