Patay ang usa ka taas nga opisyal sa New People’s Army kon (NPA) human sa nahitabong serye sa engkwentro batok sa tropa sa 8th Infantry Battalion (8IB) didto sa Sitio Tacocon, Barangay Kasapa II, La Paz, Agusan del Sur.
Sa pakighinabi sa Bombo Radyo kay LtCol. Jeorge Jalorina, Commanding Officer sa 8th Infantry Battalion, giila ang namatay nga rebelde nga si alyas“Tado”, 50 anyos ug residente sa Lagonglong, Misamis Oriental. Si “Tado” giingong usa sa mga priority targets sa militar ug nalakip sa listahan sa mga commanders nga dugay nang ginabantayan.
Saysay pa ni LtCol Jalorina , nahitabo ang unang engkwentro sa may alas 8:30 sa buntag adlang dominggo.
Gisundan kini sa ikaduhang engkwentro sa may alas 11:30 sa buntag dhang gigukod sa mga sundalo ang miikyas nga grupo sa mga rebelde. Gibanabana nga mikabat sa 15 ka miyembro sa Communist Terrorist Group kon (CTG) ang naka-engkwentro sa militar, lakip na ang grupo gikan sa rehiyon ug headquarters force
Narekober sa dapit nahitaboan ang personal nga armas ni alyas Tado ang usa ka high-powered M16A1 rifle. Gikumpirma usab ni LtCol. Jalorina nga walay casualty o samaran sa bahin sa gobyerno.
Ang maong operasyon kabahin sa mas dako nga brigade wide operations sa 403rd Brigade diin tanang batalyon ang nagtinabangay sa paggukod sa nahabiling pwersa sa mga rebelde sa dapit.
Dugang pa niini, ang maong operasyon dakong tabang aron padayon nga mugamay ang ihap sa mga walhong grupo ug dalan nga mahimong insurgency-free ang Bukidnon. Kasamtangan, gipangita pa ang uban pang mga lider sa grupo nga nailhan sa alyas nga “Reda” ug “Kakoy”