Nagtapok ang daghang katawhan sa makasaysayanong kadalanan sa Chueca, Madrid Spain, gumikan usa sa labing makahimuot ug makusgan nga aktibidad ang giapahigayon sa mga LGBTQ+ neighborhoods sa Madrid, aron masaksihan ang usa ka makalingaw nga lumba sa tuig.
Gitawag kini nga “Carrera de Tacones” o ang lumba sa taas nga tikod.
Matag tuig, ginasaulog kini nga lumba isip bahin sa mga kalihokan sa Pride Week, diin makita ang mga partisipante nga kasagaran mga lalaki ug nagsul-ob og taas kaayong mga takong samtang nagdagan sa karsada nga puno sa cobblestones.
Ang mga manan-aw walay puwas sa pag- singgit ug abiba samtang ang mga managanay gapaningkamot sa pagsulay og balanse aron makalabang sa finish line, bisan pa sa hulga nga mapandol tungod sa kataas sa gisul-ob nga takong.
Matud pa dili lamang kini usa ka lingaw-lingaw nga aktibidad, apan simbolo usab kini sa panaghiusa, pakinisog, ug pagpangandoy sa komunidad sa LGBTQ+ sa Espanya.
Samatang, taliwala sa katawa ug kasaba, nagpabilin ang mensahe sa pagkamadaugon sa kahayag batok sa tanang matang sa mga hagit ug pagsulay.