Nagpadayon ang aksyon sa National Basketball Association kon NBA human makarekord og sunod-sunod nga mga daog ang pipila ka team.
Nakadaog ang Miami Heat batok sa Detroit Pistons sa iskor nga 121–110, diin nanguna si Tyler Herro nga adunay 25 puntos samtang nagdugang si Bam Adebayo og 24 puntos ug siyam ka rebounds.
Bisan pa sa impresibong performance ni Cade Cunningham nga adunay 26 puntos ug 10 assists, napildi gihapon ang Pistons ug naabot sa upat ka sunod nga kapildihan.
Sa laing dula, napildi sa Los Angeles Lakers ang New York Knicks sa 110–97 nga iskor. Nanguna sa Lakers si Luka Dončić nga nakaiskor og 35 puntos, walo ka rebounds ug upat ka assists bisan wala nakadula si LeBron James.
Samtang, nagpakita usab og lig-on nga opensa ang Toronto Raptors human mapildi ang Dallas Mavericks pinaagi sa season-high nga 31 puntos ni RJ Barrett.
Nagpadayon ang kainit sa kompetisyon sa matag dula samtang nagkaduol ang playoffs ug nagpaningkamot ang mga teams nga mapalig-on ang pwesto sa standings.