Gikalingawan karon sa social media human nirampa sa bonggang estilo sila Heart Evangelista ug Pia Wurtzbach atol sa State of the Nation Address (SONA) bisan pa nga walay red carpet ang maong okasyon.
Lowkey man ang setup, apan wala nagkulang sa fashion ang mga nitambong, nga nagsinina gihapon og elegante nga mga Filipiniana ang kadaghanan. Nagpabiling viral ang hitsura ni Heart Evangelista, nga misul-ob og white modern Filipiniana gown nga gidesinyo ni Michael Leyva.
Ang iyang bare-faced look o “no makeup” style ang nakapabati og mas bata nga aura, nga mao usab usa sa iyang pirma nga estilo karon. Sa political scene, nagpabiling Senate President ang iyang bana nga si Senador Chiz Escudero, nga wala mapulihi sa pwesto.
Dili sab magpaulahi si Pia Wurtzbach, nga niapil sa SONA uban sa OWWA Administrator nga si Patricia Yvonne PY Caunan. Gikumpirma nga si Pia gikuha isip ambassador sa OWWA, sukad pa sa sa panahon nga nanimuyo kini sa Dubai human sa iyang kasal sa travel entrepreneur nga si Jeremy Jauncey.
Gisugyot usab sa mga netizens ang hungihong nga ginasuon matud pa ni Pia ang fashion style ni Heart, gikan sa glam team hangtod sa fashion week appearances, nga makit-an nga pareho og atake sa estilo.
Bisan paman, sa natad sa showbiz man o sa fashion, makita kabogera matud pa silang duha.