Kusganong nga gihimakak ni kanhi presidential spokesperson Atty. Harry Roque ang reklamo sa pagpangilog og yuta kon land-grabbing.
Kini nunot sa reklamo nga gisang-at sa mga 15 ka mga mag-uuma sa National Bureau of Investigation kon NBI batok kaniya diin kabahin sa yuta nga sakop sa Certificates of Land Ownership Award nga gibalhin ngadto sa pribadong korporasyon nga adunay kalabotan sa Philippine Offshore Gaming Operations kon POGO.
Ang gikaingong yuta sa Bataan gibalhin sa POGO nga wala’y clearance gikan sa Department of Agrarian Reform kon DAR.
Samtang si Roque, miluwat nga tipik lamang kini sa smear campaign batok kaniya ug wala pa’y kaso nga napasaka tungod kabahin lamang kini sa reklamo.
Gitataw usab ni Roque nga andam kining moatubang sa bisan unsang kaso batok kaniya.