Gikumpirma ni Senate President Vicente “Tito” Sotto III nga nagpadala og sulat si Senador Ronald dela Rosa sa opisina niini aron mangayo og permiso nga makagamit sa Senate Mansion sa Baguio City, gikan Marso 26 hangtod 29, 2026.
Sumala sa maong sulat, gamiton ang mansion isip temporaryong puy-anan sa pamilya sa senador samtang gipahigayon ang CAFP Cup 2026 sa maong dakbayan.
Dugang pa ni Sotto, dili kini ang unang higayon nga nakig-istorya si Dela Rosa sa Senado sukad sa iyang pagtago-tago.
Matud pa niini, nakapirma usab ang senador sa Senate Resolution No. 343 nga gipasa sa Senado niadtong Miyerkules, Marso 11.
Samtang wala usab gitugot sa Senado ang hangyo ni Sen. Bato dela Rosa nga magamit sa pamilya niini ang Senate Mansion sa Baguio City.
Gipasabot ni Senate Secretary Mark Llandro Mendoza nga base sa patakaran, kinahanglan nga kauban ang senador sa mga mogamit sa Senate Mansion.