Hamas supak sa sugyot nga disarmahan!

Supak ang nasud sa Hamas sa panawagan nga tangtangan sila og mga armas alang na sa pagtapos sa mga nagpadayong giyera.

Sumala kang Hamas political leader Khaled Meshaal, kung dis-armahan sila, dali ra matud pa silang atakehon sa Israel.

Andam ang Hamas nga motubag sa usa ka total ceasefire, apan matud niini, kanunay kining ginabali sa Israel.

Gihangyo usab sa Hamas nga buot nilang pagasugdan na ang rehabilitasyon sa Gaza, tungod sa grabe nga kadaot nga nahitabo human sa mga pag-atake sa Israel.

Kahinumduman nga daghang nasud sama sa Qatar, Turkey ug Egypt ang nagtinabangay aron matuman ang malinawong pakigpulong tali sa Hamas ug Israel.