Gitugyan na sa grupo nga Hamas ang upat nga namatay nga binilanggo ngadto sa Red Cross human sa bagong pamahayag sa pahimangno ni US President Donald Trump nga ipatuman ang disarmament batok sa grupo.
Niadtong Martes sa gabii, nadala na sa Israel ang maong mga patayng lawas nga gikan sa mga Israeli nga binilanggo. Giturn-over kini sa Israeli military ug dayon gidala sa National Institute for Forensic Medicine sa Tel Aviv aron mailhan kinsa ang mga biktima.
Sa kinatibuk-an, walo na ka patay sa mga preso ang nabalik na sa Israel sukad nagsugod ang proseso. Gibuhat sa Hamas ang maong lakang human sa pahimangno sa Israel nga pugngan ang paghatud og humanitarian aid sa Gaza hangtod mabalik ang tanang 28 ka patayng lawas.
Sa miaging mga semana, una na nga giturn-over sa Hamas ang upat ka patay nga nailhan na, lakip na ang Israeli military Captain nga si Daniel Peretz, Guy Iluz, Yossi Sharabi, ug Bipin Joshi. Dungan niini ang pagtugyan sa 20 pa ka buhi nga binilanggo ilawom sa usa ka ceasefire agreement.Sa pikas bahin, gibalik na sab sa Israel ngadto sa Gaza ang 45 ka patang lawas sa Palestino ug gipagawas ang kapin 1,700 ka mga Palestinian detainees ug 250 ka priso.