Gipili sa San Antonio Spurs isip No. 2 overall pick sa 2025 NBA Draft ang Filipino-American guard nga si Dylan Harper.
Si Harper diin nagdula sa college basketball alang sa Rutgers Scarlet Knights, usa sa mga top player sa 2024 class ug giila nga five-star recruit.
Sa college career niini, nag-averaged siya og 19.4 puntos kada dula sulod sa 32.6 ka minuto nga pagdula sa hardcourt.
Nakakolekta usab siya og 4.6 rebounds, 4 assists, 1.4 steals, ug 0.6 blocks kada dula. Sa kasamtangan, si Harper adunay gitas-on nga 6’6” ug nagdula isip point guard ug shooting guard.
Anak sa kanhi NBA player nga si Ron Harper, nga midaog og lima ka NBA championship rings, samtang ang iyang inahan, nga taga-Bataan, usa usab ka dating college basketball player sa New Orleans.
Makigduwa si Harper sa rising star nga si Victor Wembanyama, uban sa mga eksperyensyadong basketbolista sa Spurs lineup sama nila Chris Paul, De’Aaron Fox, ug NBA champion Harrison Barnes.