Goldfish nga nagmaneho og sakyanan nakab-ot ang Guinness World Record

Usa ka Dutch engineer nga si Thomas de Wolf naghimo og usa ka talagsaong sakyanan alang sa alaga niini nga goldfish nga si Blub.

Ang sakyanan adunay upat ka ligid ug usa ka water tank nga nagsilbing “driver’s seat.”

Ang direksyon sa sakyanan nagdepende sa lihok sa isda sulod sa tangke pinaagi sa motion-sensing technology.

Sulod sa usa ka minuto, nakalakaw si Blub og 40 feet ug 3.46 inches, nga naghatag niini og Guinness World Record alang sa pinakalayong distansya nga nalakaw sa usa ka goldfish gamit ang motion-sensing vehicle.

Sumala kang de Wolf, ang tumong niini mao ang pagpakita nga kini nga teknolohiya mahimong magamit sa mas seryosong paagi, sama sa pagtabang sa mga tawo nga adunay mobility issues.