Mapasalamton si Gov. Rogelio “Niel” Roque – Provincial Governor sa Bukidnon sa tanang misuporta ngadto kaniya.
Gani, human nga giproklamang midaog kini batok kang Azucena Huervas nga nagpapili sab isip gobernadora sa probinsiya sa Bukidnon diin subay sa resulta sa partial ug opisyal nga piniliay,nakabaton og 393,784 nga boto si Roque kansa nanguna sa listahan, samtang si Huervas anaa lamang sa ikaduhang pwesto gumikan 186,108 lamang ka mga mga botante ang mipabor kaniya.
Sa pakighinabi sa Bombo Radyo Malaybalay kan Roque, gibutyag niini nga magpadayon ang mga programa niini alang sa mga mag-uuma lakip na ang programa sa natad sa panglawas bisan pa man nga di dayon kini dayon mahitabo gumikan angay matud pa kining tun-an aron magmalampuson.
Sugdan sab matud niini ang pagpakusog sa turismo ilabi na nga hapit na matapos ang airport sa Bukidnon.
Sa pikas bahin, sa nagpadayong problema sa tubig sa Malaybalay ilabi na sa water service provider niini nga Prime Water.
Kahinumdumang dugay ng mulo sa mga residente ang suplay sa tubig ilabi na sa pipila ka dapit sa siyudad sama sa Casisang ug San Jose.
Apan, bisan pa man matud pa nga usa ka pribadong kompanya ang Prime Water, paningkamutan matud pa gihapon niini nga mahatagan kini og pagtagad aron di na managhan pa ang maperwisyo sa maong klase sa serbisyo.