Gitanyag sa lokal nga kagamhanan sa Malaybalay ang libreng tabang alang sa mga empleyado nga magpositibo sa drug test pinaagi sa Community-Based Rehabilitation Program (CBRP) aron sila matabangan sa ilang pagbag-o ug makaambit og ikaduhang higayon.
Gitinguha sa city government nga mapaambit ang kahigayonan sa pag-usab, imbes nga pasagdan ang mga kawani nga nalambigit sa ginadiling droga. Gipahigayon usab ang tinuig nga surprise drug testing alang sa tanang empleyado isip kabahin sa kampanya kontra illegal nga droga.
Sa pakighinabi sa Bombo Radyo Malaybala ngadto kang Atty. Jay Warren Pabillaran Mayor ning syudad sa malaybalay. Gibutyag niini nga ang Job Order (JO) nga empleyado nga magpositibo, dili na maka-renew ug kontrata, samtang ang mga casual employees mosubay sa saktong proseso nga gi-mandato sa Civil Service Commission (CSC).
Gilauman sa lokal nga kagamhanan nga pinaagi sa CBRP, mahatagan og bag-ong direksyon ang kinabuhi sa mga natandog sa bisyo, ug mapalig-on ang serbisyo publiko pinaagi sa malimpyo ug matinud-anong mga trabhante.