Balhog sa prisohan ang usa ka lalaki nga giingong nalambigit sa pag-abuso sa bata human siya masikop sa kapulisan atol sa operasyon sa Purok-4A, Barangay Aglayan, Malaybalay City niadtong Hulyo 13, 2025.
Ang akusado giila nga si Roel Señoron Ore alyas Joel Ore, 46 anyos, trabahante ug residente sa maong lugar. Nadakpan siya sa mga personahe sa Kibawe Municipal Police Station, pinaagi sa mando sa korte ilawom sa Criminal Case No. 17195-07, alang sa kasong Child Abuse.
Girekomendaran og piyansa nga P80,000 ang maong kaso. Human sa pagdakop, gidiretso ang akusado sa kustodiya sa Kibawe MPS alang sa dokumentasyon ug hustong legal nga proseso.
Nagpadayon ang imbestigasyon aron masiguro ang hustisya sa mga biktima ug masangkapan ang sakto nga mga legal nga lakang batok sa akusado.