Target ni Gilas Pilipinas head coach Tim Cone nga makabaton og mas taas nga panahon sa pagpangandam alang sa second window sa FIBA World Cup Asian Qualifiers.
Sumala ni Cone, magsugod ang ilang training camp karong umaabot nga Pebrero 16.
Dugang pa niya, sa inisyal nga plano, gikatakda unta kini karong adlawa, Pebrero 11, apan nakasugat og problema sa schedule sa pipila ka mga magduduwa.
Lakip sa mga gipaabot nga magduduwa nga gikan pa sa liga sa Japan mao sila si AJ Edu, Dwight Ramos, ug Quentin Millora-Brown, samtang ang mga magduduwa gikan sa Korea mao sila si Kevin Quiambao ug Carl Tamayo.
Adunay duha ka dula ang Gilas nga ipahigayon dinhi sa nasod: una batok sa New Zealand sa Pebrero 26, ug sa Marso 1 batok sa Australia. Ang duha ka dula dulaon sa Mall of Asia Arena.