Malampuson ang Gilas Pilipinas sa ilang send-off game batok sa Macau Black Bears, nga ilang napildi sa iskor nga 103-98.
Milabaw ang Gilas Pilipinas og 21 puntos nga iskor batok sa Macau nga gipahigayon sa Araneta Coliseum.
Kini nga duwa usa ka preparasyon alang sa ilang pagsalmot sa 2025 FIBA Asia Cup karong umaabot nga Agosto nga ipahigayon sa Saudi Arabia.
Nag-una sa kadaugan sa Gilas si Justin Brownlee nga nakatala og 32 ka puntos, 15 ka rebounds ug lima ka assists.
Si Dwight Ramos adunay 19 ka puntos, unom ka assists ug upat ka rebounds, samtang si AJ Edu misulod usab og 15 ka puntos.
Adunay umaabot nga friendly game ang Gilas kontra sa Jordan karong Agosto 2.
Sa umaabot nga mga adlaw, mobyahe na ang Gilas padulong sa Saudi Arabia diin ilang unang makaatbang ang Chinese Taipei sa Agosto 6, sunod ang New Zealand sa Agosto 7, ug ang Iraq sa Agosto 9.