Mibyahe na paingon sa Jeddah, Saudi Arabia ang Gilas Pilipinas alang sa ilang partisipasyon sa FIBA Asia Cup 2025.
Matod ni Gilas coach Tim Cone, dili nila usikan ang oras ug magsugod dayon sila sa ilang mga pagbansay.
Bisan pa man malampuson ang ilang exhibition game batok sa Macau Black Bears, aduna pa silay sunod nga duwa kontra Jordan sa Agosto 2, nga ipahigayon sa Jeddah.
Dugang pa ni Cone, ang umaabot nga mga adlaw ilang igahin sa intensibong pagbansay aron sa pg-andam sa mga duwa.
Lakip sa mga Gilas players nga mibyehe paingon Saudi Arabia mao sila, Justin Brownlee (naturalized player), Calvin Oftana, June Mar Fajardo, CJ Perez, Scottie Thompson, Japeth Aguilar, Jamie Malonzo, Chris Newsome, Dwight Ramos, AJ Edu, Carl Tamayo, ug Kevin Quiambao.
Ang una nga duwa sa Gilas batok sa Chinese Taipei pagasugdan sa Agosto 6, alas-2 sa kaadlawon.
Ang sunod nilang away sa Group D, makontra sa world rank 22 nga New Zealand sa Agosto 7, alas-11 sa gabii (oras sa Pilipinas).
Ang katapusan nilang duwa sa group stage diin makaatbang nila ang Iraq sa Agosto 9, alas-4 sa hapon.