Gikonsidera sa White House nga ang nahitabong pagpamusil sa Annunciation Catholic School sa Minneapolis usa ka klase sa “Hate Crime”.
Matud pa sa White House press secretary nga si Karoline Westman, nga base sa imbestigasyon sa FBI nga gitarget sa 23-anyos nga suspek nga giilang si Robin Westman ang mga katoliko.
Gibase nila ang maong pamahayag sa mga nakuha nga manifesto gikan sa social media account sa maong suspek.
Moabot na sa 18 ka tao ang naangol diin 15 niini mga bata nga adunay edad nga unom hangtod 15 anyos samtang ang tulo anaa na hamtong nga pangedaron.
Kahinumdoman nga duha ka biktima ang nakabsan sa kinabuhi nga adunay edad nga walo ug 10 anyos, samtang kadaghanan sa mga naangol nga biktima nakagawas na sa balay tambalanan.
Mahitungod sa panghitabo, gimando ni Minnesota Governor Tim Walz ang pagbutang og kapulisan sa mga tulonghaan aron dili na mausab ang mga pagpamusil.