Gibatikos sa Russia ang pagpanghilabot sa EU ug Ukraine sa pag-usab sa ceasefire deal sa US

Gibatikos sa Russia ang plano sa European Union (EU) ug Ukraine ang pagduso sa ceasefire plan nga gisugyot sa United States aron mahunong na ang giyera.

Matod sa Russia, ang mga kausaban nga gipangayo sa maong orihinal nga plano dili makahatag og tinuod nga kalinaw ug dili makab-ot ang tumong sa tigpasiugda sa ceasefire.

Kini nga batikos miabut human sa pakighinabi sa EU ug Ukraine sa mga representante sa US, diin ilang gipadayag ang ilang mga gustong kausaban sa kasabutan.

Sa sinugdanang bersyon sa ceasefire deal, wala mouyon ang Ukraine gumikan para nila mas pabor kini sa Russia.

Kahinumduman nga ang US maoy nag-una sa pagduso sa ceasefire deal aron tapuson na ang halos upat ka tuig nga giyera tali sa Russia ug Ukraine.