Gibatikos ni kanhi Presidential Spokesperson Atty. Harry Roque ang administrasyong Marcos sa kasamtangang kahimtangan sa nasod, human matud niya nga kapin sa tunga sa mga Pilipino karon nagtan-aw sa ilang kaugalingon nga gutom, timailhan sa pagkawala sa paglaum sa katawhan sa liderato ni Presidente Ferdinand Marcos Jr.
Sumala ni Roque, wala pa gihapon magpailalom sa hair follicle test ang Presidente, samtang nagpadayon ang paghuyang sa piso ug ang kapakyasan sa pagkab-ot sa target nga pagtubo sa ekonomiya. Gitumbok usab niini ang usa ka pagtuon nga nagpakita nga kini na ang pinakahuyang economic growth sa Pilipinas sa miaging 16 ka tuig, gawas sa panahon sa pandemya.
Matod pa Roque, nagpakita kini sa kakulang sa klarong direksyon sa liderato ug sa nagpadayon nga kalisdanan sa ekonomiya sa nasod.