Nadiskubrehan ang giingong ghost flood control project sa Barangay Linabo, Malaybalay City, diin gideklararado nga nahuman na apan wala’y ebidensya sa konstruksyon.
Ang proyekto mao ang pagtukod sa 207 metros nga flood mitigation structure sa Purok 4 ug Purok 8 nga nagkantidad sa ₱96.4M, ug giingong natapos kaniadtong Mayo 2024 ubos sa Ritche-Nathalie Development Corporation.
Apan sa ocular inspection sa Philippine Anti-Corruption Commission (PACC) uban sa mga residente ug opisyal, walay makita nga adunay gi-report nga proyekto. Gibutyag sa mga lumulupyo nga survey lamang sa DPWH ang nahitabo ug wala’y tinuod nga trabaho nga gisugdan.
Bisan pa niini, opisyal kining gitaho nga natapos na ang maong proyekto. Nakig-koordinar gilayon ang PACC sa DPWH Region 10 aron magpadala sa validation team alang sa ground inspection.
Sa laing bahin, nadiskubrehan usab sa lungsod ang substandard nga flood control project nga nagkantidad og ₱96.4M nga diin adunay portion nga naguba bisan wala pa naturn-over ngadto sa barangay o lokal nga kagamhanan.
Matud ni Brgy. Kapitan Dexter Gamo sa Syudad sa Malaybalay, responsibilidad kini sa DPWH ug kontraktor hangtod pormal nga mahatagan og turnover.