Nakahatag ug lingaw sa publiko ang usa ka gasolinahan sa Russia ang human ang ilang promotional campaign niadtong 2016 mibalik sa atensyon sa social media.
Ang maong kampanya nagtanyag og libreng full tank sa gasolina, apan adunay kondisyon nga ang mosalmot kinahanglan magsul-ob og bikini aron makabenepisyo sa promo.
Ang tag-iya sa estasyon naglaum nga makadani kini og daghang kustomer ug makapahimulos sa viral marketing, apan lahi ang nahitabo kay daghang tawo ang nitubag sa hagit.
Dili lang mga babaye ang nisunod sa kondisyon, kay bisan ang pipila ka lalaki misul-ob usab og bikini aron makuha ang libre nga gasolina, nga nakadugang sa kalingaw sa publiko.
Tungod sa daghang naningkamot nga maka-avail sa promo, napuno ang lugar ug miabot pa ang linya ngadto sa katapusan sa kalsada.
Sa kadugayan, gipasuspinde ang promo human sa pipila ka oras tungod sa kalapad sa mga naglinya ug sa kalit nga pagdagsa sa mga kustomer.
Gipakita sa hitabo nga kon klaro ug literal ang kondisyon sa usa ka promo, daghang tawo ang mosunod niini bisan pa og magkinahanglan og dili kasagaran nga paagi.