Nadawat na ni Israeli ug kanhi Beauty Queen Gal Gadot ang iyang bitoon sa Hollywood Walk of Fame. Sa migaing adlaw, gipaambit sa action star sa iyang instagram ang nadawat nga pasidungog.
Makita sa hulagway ang iyang paglingkod abay sa iyang star.
Alang kaniya, usa kini ka dakung milestone sa iyang karera sa Hollywood.
Una niini ang seremonya gipahigayon atubangan sa El Capitan Theatre sa Hollywood Boulevard.
Ang iyang bituon mao ang ika 2,804 nga gi-dedikar sa Walk of Fame, ubos sa kategorya sa Motion Pictures.
Sa seremonya, si Gadot giubanan sa iyang bana nga si Jaron Varsano ug ang ilang upat ka anak nga sila Alma, Maya, Daniella, ug Ori.
Sa iyang speech, si Gadot nagpasalamat sa iyang pamilya alang sa ilang suporta ug inspirasyon.
Ang beauty-queen turned actress miingon nga ang maong pasidungog dili lamang bahin sa kasikat o pelikula, apan bahin sa pag-abot sa mga damgo pinaagi sa pagpaningkamot ug dedikasyon.