Nagtuo ang usa ka legal expert nga dunay dakong kahigayonan nga mosangpot sa usa ka full trial ang mga kasong giatubang ni kanhi Presidente Rodrigo Duterte. Base sa iyang obserbasyon sa bag-ohay lang nga confirmation of judges, mas nakitaan niini og lig-on nga pundasyon ang mga argumento nga gipresenta sa prosekusyon.
Kini ang gibutyag ni Atty. Eddie Cuaresma atol sa exclusibong pakighinabi sa Bombo Radyo nga bisan paman kung anaa pa lang sa inisyal nga bahin ang proseso, klaro ang istruktura sa prosekusyon sugod sa mga alegasyon sa Davao Death Squad (DDS) hangtod na sa pag-ila sa mga kaubang suspetsado o co-perpetrators.
Alang niini mas bug-at ang mga ebidensyang gipakita sa prosekusyon kon itandi sa depensa.Gihulagway usab sa abogado nga huyang ang baruganan sa depensa nga nag-ingon nga ang mga pamahayag sa kanhi presidente igo lang nga “rhetoric” o binulatik sa istorya. Matud niini, dili kini basta-basta madawat sa usa ka international court kay nagkinahanglan kini og konkretong substance.
Dugang pa niini, gilauman ni Atty. Cuaresma nga posibleng malutsan og warrant of arrest ang mga co-perpetrators nga nalakip sa presentasyon tungod sa giingong panagkunsabo sa paghimo sa krimen. Sa iyang pagtan-aw, dili basta-basta nga madismiss ang maong kaso tungod kay napresenta na ang tibuok framework sa istorya ngadto sa mga maghuhukom